Манай улс эвдрэлд орсон газруудынхаа хөрс, усыг судалснаар нөхөн сэргээлт яаж хийхээ тодорхойлох юм. Мөн судалгааны ажил дууссаны дараа эвдэрсэн болон нөлөөлөлд орсон газруудын нэгдсэн мэдээллийн сантай болно. Төсөл гурван жилийн хугацаатай хэрэгжих бөгөөд дууссаны дараа лабораторийн тоног төхөөрөмж болон судалгааны ажилд хэрэглэсэн бүх зүйлийг манай улсад шилжүүлж өгнө. Ингэснээр Монгол Улс уул уурхайгаас үүдэлтэй хөрс, усны бохирдлоо шинжлэх нэгдсэн том лаборатори, мэргэшсэн боловсон хүчинтэй болох юм.
